Arahina ring Bali Manggih Anceng 15,43 Persén 

BADUNG, Média Bali – Badan Kependudukan dan Keluarga Berencana Nasional (BKKBN) nglaksanayang Pelay-anan KB Serentak Sejuta Akséptor (PSA) gratis sajebag Indonésia ring sajeroning mikélingin Hari Keluarga Nasional (Har-ganas) kaping 29 warsa 2022. Program inucap karilis langsung  olih Kepala BKKBN RI, Dr. (HC) dr. Hasto Wardoyo, Sp. OG (K) ring RSAL dr. Ramelan, Surabaya, Jawa Timur, rahina Buda Paing Kuningan (15/6) Mapaiketan ring parikrama inucap, Perwakilan BKKBN Bali taler nyiagayang program ring wawidanganipun. Ayahan PSA gratis punika pacang kamargiang ring samian ayahan keséhatan miwah KB, inggian sakadi ring rumah sakit, Puskésmas, praktik mandiri bidan, klinik swasta, wiadin nglintangin Kader IMP.  Kepala Perwakilan BKKBN Provinsi Bali, dr. Ni Luh Gedé Sukardiasih ngwedarang yéning Provinsi Bali madué anceng antuk nglimbakang 9.815 akséptor. Kantos man-gkin, anceng inucap sampun kajantenang mamargi 15,43 persén utawi 1.514 aksép-tor. Data punika kapolihang saking saseleh  pelaporan dashboard duénipun.

“Parikrama inucap kamargiang wantah arahina sinarengan ring samian faskes turmaning gratis. Saking makasami anceng inucap, Bali kajantenang sida manggih 100 persén, utawi nglangkungin anceng santukan ring lapangan para kader IMP, PKB/PLKB sampun nguduhang para calon akséptor KB ngawit mamargi saking jero suang-suang krama,” baos Sukardiasih ri tatkala nyelehin PSA ring Klinik Sadajiwa, Désa Sembung, Badung miwah Prakték Mandiri Bidan (PMB) Bidan Yan Mona Fridayanthi A.Md.Keb, Dénpasar Ring galah punika, Inspéktur Uta-ma BKKBN, Ari Dwikora Tono, Ak., M.EcDev taler maosang, ayahan  PSA ring sajeroning mikélingin Harganas 2022 kalaksanayang ring samian genah antuk kawéntenanipun langkungan ayuta. Sané kaaptiang sida sinarengan nglimbak pinaka gerakan KB Sejuta Akséptor.

Manut dané, ayahan KB puniki kabua-tang mawinan sida ngicén jarak ngembasin anak alit antuk nambakin tengkes. Punika mawinan, ri tepengan mangkin BKBBN kajudi dados koordinator pelaksanaan percepatan penurunan angka stunting, sayan rajeg mautsaha nambakin tengkes malarapan nees  risiko tengkes inggih punika silih tunggilnyané nénten wénten jarak ngembasin anak alit. 
“Nglintangin parikrama puniki kaap-tiang rauh mangkin nénten wantah ngwatesin kalih oka, nanging ngulen-gang ngeninin  kualitas KB. Yéning jagi ngwetuang kulawarga sané makuali-tas, mangdané nganggé KB antuk ngatur jarak embas anaké alit tur mas-tikayang keséhatanipun,” weweh dané. Asapunika taler, ring acara pamungka-han program punika, Hasto Wardoyo nla-tarang program PSA wantah matetujon nincapang ayahan KB mangda madué kualitas majeng sané kabaos pasangan usia subur. “Kaaptiang ayahan puniki sida nincapang panyarengan ayahan KB ring tengahing krama, antuk ayahan pinih becik majeng krama tur ngwetuang kulawarga sané makualitas,” baos dané.

Paiketan dané ngaptiang, mangda In-donésia pamekas para yowana prasida ngrincikang kauripan ri tatkala jagi ngranjing grahasta asrama antuk nambakin tengkes. “Santukan akéh pisan wesanan kaon tengkes, punika mawinan ri tatkala pacang mobot patut madué rencana. Rauh mangkin, wénten 36 persén yowana sané keni anémia. Yéning nénten kadabdabin ngawit mangkin prasida dangan keni stunt-ing,” baos dané. 005/adt